Başı bədənindən ayrıldı, dirildi...
02 sentyabr 2011 19:46 (UTC +04:00)

Başı bədənindən ayrıldı, dirildi...

Lent.az-ın “korrespondent.net” saytına istinadən verdiyi məlumata görə, bu ilin martında 22 yaşlı Aaaron Denin qəza nəticəsində boynu qırılıb.

Travma çox ciddi olduğu üçün həkimlər birmənalı olaraq onun öləcəyini proqnozlaşdırıblar. Ancaq Aaron Den hazırda sağalır. Sauthempton Hospitalında çalışan professor Endi Eynon deyib ki, qəza zamanı Aaron Denin kələsinin yaxınlığında yerləşən boynun fəqərə sümüyü iki hissəyə ayrılıb, fəqərə sümüyü kəllədən 9 millimetr uzaqlaşıb. Yəni faktiki baş bədəndən qopub.

Adətən belə travmalar zamanı təkcə onurğa beyni yox, həm də başı qanla təmin edən şah damar da zədələnir. Həkimlər cərrahi əməliyyat yolu ilə fəqərə sümüyünü bitişdiriblər. Bu, riskli bir əməliyyat olub, çünki beyni qanla təmin edən iki arteriya damarından biri zədələnib. Xəstənin baş və çanaq sümüyündə sınıqlar da olub. Ancaq əməliyyatdan sonra travmalar elə sürətlə sağalmağa başlayıb ki, Aaron Den artıq sentyabrın sonunda xəstəxanadan evə buraxıla bilər.

Qeyd edək ki, qəzadan sonra həkimlər Aaron Denin süni koma vəziyyətinə salınması barədə qərar qəbul ediblər. Komanın beşinci gün xəstənin yaxınları ümidlərini itiriblər. Həkimlər aparatların yardımı ilə yaşayan xəstəni aparatlardan ayırmaq istəyən zaman isə onun barmaqlarının tərpəndiyini görüblər.

Həkimlər Aaron Denin həyatı boyu iflic vəziyyətində qalacağını düşünsələr də, bu proqnozları da özünü doğrultmayıb. Hazırda o, sərbəst hərəkət edir...
# 578

Oxşar yazılar