9 ildə 50 milyon avro mənimsəyən cinayətkarlar tutuldu
13 iyul 2011 14:35 (UTC +04:00)

9 ildə 50 milyon avro mənimsəyən cinayətkarlar tutuldu

ABŞ və Avropa ölkələrinin xüsusi xidmət orqanları kredit kartları ilə bağlı fırıldaqlar üzrə ixtisaslaşmış beynəlxalq cinayətkar şəbəkənin üzvlərini saxladıqlarını bəyan ediblər. Lent.az-ın “France-Presse” agentliyinə istinadən verdiyi məlumata görə, Bolqarıstanda 47 nəfər, İtaliyada 9 nəfə, İspaniyada 2 nəfər, ABŞ-da 2 nəfər və Polşada 1 nəfər saxlanılıb.

Cinayətkar şəbəkə 9 ildir ki, bu fəaliyyətlə məşğul olurmuş. Araşdırma zamanı onların 9 min kredit kartının surətini çıxardıqları, 50 milyon avroya qədər vəsait mənimsədikləri üzə çıxıb.

Cinayətkar şəbəkənin iş üslubu da maraqlı olub. Dəstə müxtəlif ölkələrdə içərisində pul olmayan saxta bankomatlar quraşdırıb, bu bankomatlara baş vuran insanların kartlarının pin-kodlarını öyrənib. Daha sonra isə dəstə üzvləri həmin plastik kartların surətlərini çıxararaq hesablardakı pulları oğurlayıblar.

Bu, son 5 ildə dünyada ən yaxşı təşkilatlanmış və müxtəlif ölkələr üzrə şəbəkələşmiş cinayətkar dəstə olub.
# 356

Oxşar yazılar