Dünyanı şoka salan məxluqun sirri çözüldü!

Meksikada tapılan varlıq yadplanetli imiş
2007-ci ildə Meksikada bir fermerin qarşılaşarkən qorxduğu üçün suda boğduğu, sifəti insana, bədəni kərtənkələyə bənzəyən, Meksika və Kanadada uzun müddət laboratoriya analizlərində DNT-sı aşkarlana bilməyən qəribə məxluqun sirri çözülüb.
Lent.az-ın “SNN TÜRK”ə istinadən verdiyi məlumata görə, ispan alimi Hose Antonio bu məxluqun DNT-sini öyrənə bilib. Onun hüceyrələrində nukleosit tapılıb. Alimə görə, bu, elmə məlum olmayan heyvan deyil, 99,99 faiz başqa planetlərdən gəlmiş bir canlıdır.
İspan alim bu yadplanetlinin göz və qulaq quruluşunu öyrənilib. Məlum olub ki, onun insanla müqayisədə müdhiş duyma qabiliyyəti var.
Qeyd edək ki, bu canlı ilə qarşılaşan meksikalı fermer keçirdiyi həyəcanın təsiri ilə onu bir neçə saat suyun altında saxlayıb. Həmin varlıq bir neçə saat suda yaşadıqdan sonra ölüb. Normal halda isə yer üzündə quruda yaşayan heç bir canlı bu qədər suda sağ qala bilmir.
Digər qəribə olay budur ki, bu məxluqu öldürən meksikalı fermer bir müddət sonra qəribə şəraitdə ölüb. Onun öz avtomobilində yanmış bədəni tapılıb. Məlum olub ki, avtomobil metalı əridəcək qədər istiliyin təsirinə məruz qalıb...