Narkotik maddələr ABŞ-da leqallaşsa, Latın Amerikası çökər

«ABŞ-ın bir neçə ştatında marixuananın leqallaşdırılması haqqında qərar bu məsələnin müzakirəsini istəyən Latın Amerikası dövlətlərinin çoxuna zərbə vura bilər».

Lent.az-ın «RİA-Novosti»-yə istinadən məlumatına görə, bunu Meksikanın yeni seçilmiş prezidenti Enrike Penya Neto «Time» jurnalına müsahibəsində deyib.

O, dekabrın birindən vəzifəsinin icrasına başlaycaq. Bu gündən yeni seçilmiş dövlət başçısı ABŞ və Kanadada səfərdədir.

Məlumatlara əsasən, ondan əvəlik prezident Felipe Kalderon hakimiyyət olduğu 6 ildə narkomafiyaya qarşı açıq savaş aparıb. Bu mübarizənin nəticəsində axtarışda olan 37 narkobarondan 25 tutulub. 6 illik qanlı, silahlı toqquşma nəticəsində rəsmi məlumatlar görə, 47, 5 min insan həlak olub.

Rəsmi olmayan məlumatlara əsasən, narko-savaşda 60-ə yaxın insan ölüb.

«Şəxsən mən leqallaşdırmaya qarşıyam və bunu doğru yol saymıram»- deyə, Meksikanın yeni seçilmiş prezidenti müsahibəsində deyib.

Mənbənin bildirdiyinə görə, bu ilin noyabrında ABŞ-ın Kolorado və Vaşinqton ştatlarında keçirilən referendum zamanı marixuana leqallaşdırılıb.