Terrorçu məhbus «konfet azlığından, soyuq qəhvədən» şikayət edir

Norveçədən olan terrorçu məhbus Anders Breyvik həbsxana nəzarətçilərindən 27 səhifəlik şikayət yazıb.

Lent.az-ın «İnterfaks»-a istinadən məlumatına görə, terrorçu məhbus ona az konfet verildiyin və nəzarətçilərin onu «intihara sürüklədiklərindən» yazıb.

Breyvik Norveç həbsxanasını «kiçik Əbu-Qreyb» adlandırıb. Bu həbsxana Bağdaddan 32 km Qərbdə yerləşir. İraqdakı savaş zamanı ABŞ hərbçiləri orada iraqlı məhbuslara işgəncə verirmiş.

Terrorçu gözətçilərin ona «soyuq qəhvə» verdiklərindən, masaüstü lampa ilə təmin olunmadığından və hər gün soyundurulub, yoxlamadan keçirildiyindən də şikayət edib.

Bu onun qaldığı «insanlıqdan uzaq üç otaqlı kameradan» etdiyi ikinci şikayət məktubdur. Mənbənin məlumatına əsasən, o, birincidə də «soyuq qəhvədən» gileylənmişdi. Breyvik «noutbukla» təmin olunub, yazmaq üçün qələm belə verilib və s.
Qeyd edək ki, 21 il azadlıqdan məhrum edilən, bu terrorçu 2011-ci ildə Norveçdə istirahət bölgəsində 77 nəfər dinc sakini qətlə yetirib.