Bəşar Əsədin təyyarələri Türkiyə ilə sərhəd bölgələri bombalayıb

Suriyanın İnsan haqlarını Müşahisədi qrupu hücum nəticəsində 21 adam həlak olduğunu bildirib. Salqın şəhərinə qarşı hücum zamanı öldürülənlərin 8-i uşaqdır.

Suriyanın Yerli Koordinasiya Komitəsinin bildirdiyinə görə, hücumlar 30 adamın ölümünə yol açıb.

Hama, Dəraa və Homs vilayətlərində də zorakılıqlar davam edir.

Suriya dövlət mətbuatı Türkiyə ilə sərhəddə yerləşən Qamışlı şəhərində törədilmiş partlayışda təxminən dörd nəfərin öldürüldüyünü deyib.

Britaniyada yerləşən Suriya İnsan Haqları Müşahidəsi qrupu partlayışlar nəticəsində dövlət təhlükəsizlik qurumunun binasında səkkiz nəfər Suriya təhlükəsizlik işçisinin öldüyünü bildirib.
Hüquq müdafiəçiləri rəsmi Dəməşqinəraziyə beynəlxalq müxbirlərin girişini məhdudlaşdırdığından ölkədəki insan itgisi barədə müstəqil və ətraflı məlumat əldə edə bilmədiklərini söyləyiblər.