Çılğın işləri ilə tanınan məşhur kataloniyalı modelyer Antonio Miro vəfat edib.
Lent.az xarici KİV-ə istinadən xəbər verir ki, qeyri-qanuni mühacirləri və məhkumları geyindirərək kolleksiyalarını uçuş zolağında tanıtması ilə məşhur olan kataloniyalı modelyer 74 yaşında həyatla vidalaşıb.
1947-ci ildə Barselonada Sabadell yaxınlığında dünyaya gələn Antonio Miro 1960-cı illərdə, hələ 20 yaşında ikən dükan açıb və öz paltarlarını satmağa başlayıb. 1976-cı ildə öz brendini yaradıb.
O, Kataloniya Regional Polisinin geyimlərini, eləcə də 1992-ci il Barselona Olimpiadasında istifadə edilən paltarları dizayn edib.
O, həm də çılğın modelyer idi. Barselonadakı moda nümayişində qış kolleksiyasını təqdim edərkən 2007-ci ildə İspaniyaya qaçan 8 seneqallı mühacirdən model kimi istifadə edib. Bir il sonra bu dəfə həbsxanadakı məhbusları moda nümayişinə çıxarıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
