Psixoloqlar bildirir ki, sevgi münasibətlərini güclü və davamlı saxlamaq üçün böyük jestlərə və ya bahalı sürprizlərə ehtiyac yoxdur.
Lent.az xarici mediaya istinadla xəbər verir ki, bəzən sadə və gündəlik üç xırda addım münasibətləri xilas edə bilər. Məhz bu "kiçik sirr"lər barədə bir çox mütəxəssis danışır.
1. Diqqətlə qulaq asmaq
Partnyorun nə dediyini həqiqətən dinləmək, onu başa düşmək üçün səy göstərmək münasibətlərin əsas təməlidir. Sadəcə eşitmək deyil, empati ilə qulaq asmaq münasibətdə qarşılıqlı hörməti və emosional bağlılığı artırır.
2. Gün ərzində kiçik sevgi jestləri
Sabahın xeyir mesajı, gözlənilməz öpüş, sevimli bir söz və ya sevdiyin insanın sevdiyi qəhvəni hazırlamaq gündəlik jestlər münasibətdə istilik və diqqət hissini gücləndirir. Bu sadə vərdişlər sevginin gündəlik hiss olunmasına səbəb olur.
3. Minnətdarlıq bildirmək
Hətta ən kiçik şeylər üçün də “təşəkkür edirəm” demək münasibətlərdə dəyər verilmə hissini artırır. Psixoloqlar qeyd edir ki, qarşı tərəfin səylərinin tanınması və qiymətləndirilməsi münasibətin uzunömürlülüyünü təmin edən əsas amillərdəndir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
