Sağlam münasibət istəyirsiniz? - Partnyorunuza verməli olduğunuz İki əsas sual

Sağlam münasibətlərdə dəstək – inam və yaxınlığı gücləndirən əsas elementdir. Partnyorla aranızda güclü münasibətlərin olması üçün ona verməli olduğunuz 2 ən vacib sual.

Lent.az bu mövzu ilə bağlı məlumatları təqdim edir:

1. "Bu çətin zamanda sənə necə dəstək ola bilərəm"?

Həyat çətinliksiz keçmir və bu məqamlarda dəstəyə hazır bir insanın yanında olması çox böyük əhəmiyyət kəsb edir. Lakin insanlar dəstəyi fərqli şəkildə qəbul edirlər:

Bəziləri sadəcə dinlənilmək istəyir, Bəziləri praktik yardım gözləyir. Digərləri isə tək qalaraq emosiyalarını özləri ilə işləməyə üstünlük verirlər. Bu sual partnyorunuzu öz dəstək gözləntilərini bölüşməyə təşviq edir və sizə – onun həqiqətən nəyə ehtiyacı olduğunu düzgün anlamağa imkan verir. Məsələn, partnyorunuz deyə bilər ki, stresli anlarda o, konkret həll yollarından çox sadə bir emosional rahatlıq istəyir.

Dəstəyin necə hiss edildiyi, münasibətin keyfiyyətinə birbaşa təsir edir. Əgər partnyorunuz onun dinlənildiyini və dəyərli olduğunu hiss edirsə, bu, münasibətlərinizi gücləndirir. Unutmayın: partnyorunuz yaşadıqlarını paylaşarkən onu dinləmək kifayətdir. Lazım olmadıqca məsləhət verməyə çalışmayın – əgər soruşulmayıbsa. Bəzən insan sadəcə eşidilmək istəyir, həll yolu axtarmır.

2. "İstədiyinə çatmaq üçün sənə necə kömək edə bilərəm?"

Həqiqi dəstək həm də partnyorun potensialını reallaşdırmasına və hədəflərinə çatmasına kömək etməkdir. Bu sual sizə onun məqsədlərini daha yaxşı anlamağa və bu yolda dəstək olmağa imkan yaradır. İstər karyera yüksəlişi, istər yaradıcı layihələr, istərsə də şəxsi inkişaf – bu sual hədəflər üzərində açıq söhbətə yol açır. Siz partnyorunuzun məqsədlərindən xəbərdar olduqda və onu ruhlandırdıqda, bu onun inamını və motivasiyasını artırır.

Partnyorunuzun uğurlarını qeyd etmək də çox önəmlidir. Onun nailiyyətlərinə səmimi şəkildə sevinmək münasibətləri daha da yaxınlaşdırır. Ortaq məqsədlər uğrunda birlikdə çalışmaq, münasibətlərdə komanda ruhu və qarşılıqlı məmnunluq yaradır. Bu iki sadə, lakin dərin sual, münasibətləri daha səmimi, anlayışlı və uzunömürlü etmək üçün güclü alətlərdir.