Araşdırmalara görə boşanma proseslərinin üçdə ikisini qadınlar başladır. Maraqlıdır ki, ali təhsilli cütlüklər arasında boşanma qərarlarının 90 faizini də məhz qadınlar verir. Səbəblər yalnız maliyyə problemləri və xəyanətlə məhdudlaşmır, onların boşanma qərarına gətirib çıxaran daha dərin və fərqli amillər var.
Lent.az xəbər verir ki, alimlər qadınların boşanma qərarını verə biləcəyi 10 əsas, lakin gözlənilməz səbəbi sadalayır.
1. Xəyanət
2014-cü il araşdırmasına görə, boşanmaların təxminən 20–40 faizi xəyanətlə bağlıdır. Lakin çox vaxt xəyanət problemin özü deyil, daha böyük emosional çatışmazlıqların nəticəsi kimi qiymətləndirilir.
2. Uyğunsuzluq
Dəyərlər, həyat məqsədləri və ünsiyyət üslubu arasında uyğunsuzluq münasibətdə gərginlik yaradır. Xüsusilə erkən yaşda evlənən cütlüklərdə bu amil boşanmanın əsas səbəbi kimi qeyd olunur.
3. Alkoqol və narkotikdən sui-istifadə
Asılılıq, münasibətdə etimadı və emosional təhlükəsizliyi sarsıdır. Məlumat gizlətmək və yalanlar ailə birliyini zəiflədir.
4. Uzunmüddətli ayrılıq
Partnyorların uzun müddət ayrı qalması emosional məsafə, narazılıq və münasibət doyumsuzluğunu artıraraq boşanmağa gətirib çıxara bilər.
5. Psixoloji problemlər
Şəxsiyyət pozuntuları və digər psixi narahatlıqlar ünsiyyət problemlərinə, emosional qeyri-sabitliyə və münasibətdə daimi təzyiqə səbəb ola bilər.
6. Ünsiyyət çatışmazlığı
Effektiv və açıq ünsiyyətin olmaması münaqişələri dərinləşdirir və intimliyi zəiflədir.
7. Fiziki və emosional zorakılıq
Zorakılıq yalnız fiziki deyil, psixoloji də, dərin psixi nəticələr doğurur və qadınların ən tez qərar verdiyi boşanma səbəblərindən biridir.
8. Sevginin itməsi
Münasibətdə hisslərin yox olması məsafələşmə, soyuqluq və emosional bağın qopmasına gətirir ki, bu da çox zaman ayrılıqla nəticələnir.
9. Ailə və ev işlərində ədalətsizlik
Məsuliyyət bölgüsündə balanssızlıq, bir tərəfin yüklənməsi gərginlik və dərin inciklik yaradır.
10. İş və karyera ilə bağlı problemlər
İşsizlik, karyera stressi və maliyyə sabitliyinin pozulması münasibətdə emosional gərginlik və uzaqlaşmaya səbəb olur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
