DİN və Prokurorluqdan XƏBƏRDARLIQ: "İşğaldan azad olunan yerlərə getməyin"

HADİSƏ

Ana səhifə
HADİSƏ

18:09 28 noyabr 2020

DİN və Prokurorluqdan XƏBƏRDARLIQ: "İşğaldan azad olunan yerlərə getməyin"

DİN və Baş Prokurorluq vətəndaşların azad olunmuş ərazilərə getməməsi ilə bağlı birgə məlumat yayıb.

Lent.az xəbər verir ki, birgə məlumatda deyilir:

"Uzun illər vətən həsrətində qalmış vətəndaşların işğaldan azad edilmiş torpaqlarımıza səfər etməyə can atmaları başadüşüləndir.

Lakin bəzi vətəndaşlar əvvəlcədən edilmiş xəbərdarlıqlara məhəl qoymayaraq həmin ərazilərə səfər edirlər.

Noyabrın 28-də vətəndaşlar Ş.Hacıyev, F.Hacıyev, Z.Adilzadə və Z.Hüseynov “Toyota Land Cruizer” markalı 90-BL-558 dövlət nömrə nişanlı avtomobillə Fizuli rayonunun Qorqan və Aşağı Seyidəhmədli kəndləri arasında minalanmış ərazi olduğunu bildirən işarəyə məhəl qoymayaraq hərəkəti davam etdirmiş, nəticədə tank əleyhinə minaya düşərək həlak olmuşlar.

Bir daha əhaliyə xəbərdarlıq edərək təhlükənin mövcudluğunu nəzərə alıb müvafiq icazə olmadan, işğaldan azad olunmuş ərazilər minalardan və digər partlayıcı vasitələrdən tam təmizlənənədək həmin bölgələrə səfər etməmələrini xahiş edirik".