Qablaşdırma məmulatlarının qidalarımıza TƏSİRİ

Qablaşdırma məmulatlarının istehsalında istifadə edilən plastik materiallar ekoloji cəhətdən çirkləndirici xammal hesab edilir.

Lent.az məlumat verir ki, bu barədə Azərbaycan Qida Təhlükəsizliyi Agentliyi məlumat yayıb. O bildirib ki, günəş şüaları, yağış, külək və digər amillərin təsirilə parçalanan plastik tullantılar ətraf mühitə və insan sağlamlığına ciddi ziyan vurur:

"Qablaşdırma məmulatlarının ekologiyaya vurduğu zərərlə yanaşı, qida məhsullarının keyfiyyətinə də təsiri böyükdür.

Qida məhsulu alarkən onun qablaşdırılmasına diqqət yetirin. Təbii xammaldan (şüşə, keramika, kağız və s.) hazırlanmış qablarda satılan qidalara daha çox üstünlük verin".