55
10:45
21 Oktyabr 2020

Qırğızıstanda təkrar parlament seçkilərinin vaxtı açıqlandı

Qırğızıstanda təkrar parlament seçkilərinin vaxtı açıqlanıb.

APA-nın TASS-a istinadən verdiyi xəbərə görə, bu barədə Qırğızıstanın Mərkəzi Seçki Komissiyası (MSK) məlumat yayıb.

Təkrar parlament seçkiləri dekabrın 20-nə təyin olunub.

MSK-dan bildirilib ki, bu qərar əvvəlki səsvermənin nəticələrinin etibarsız sayılması ilə əlaqədardır. İlkin məlumata görə, seçkinin keçirilməsi üçün büdcədən 450 milyon som (təqribən 5,55 milyon dollar) ayrılacaq.

Xatırladaq ki, oktyabrın 4-də Qırğızıstan parlamentinə seçkilər keçirilib. 16 siyasi partiyanın qatıldığı seçkidə yalnız dörd partiya 7%-lik baryeri keçib. Daha sonra məğlub olan partiyaların tərəfdarları paytaxtda mitinqlər təşkil ediblər, nəticədə Baş Nazir Kubatbek Boronov və Prezident Sooronbay Jeenbekov istefa veriblər.

Dİgər xəbərlər