14:19
01 Oktyabr 2020

XİN-in İşlər idarəsinin keçmiş müdiri ev dustaqlığına buraxılmadı

Səbail rayon Məhkəməsində Dövlət Təhlükəsizliyi Xidməti tərəfindən həbs edilən, XİN-in İşlər idarəsinin sabiq müdiri, Nazirliyin Tender Komissiyasının sabiq sədri Fərhad Mollazadənin barəsində seçilmiş həbs qətimkan tədbirinin ev dustaqlığı ilə əvəz olunması ilə bağlı vəsatətinə baxılıb.

APA-nın məlumatına görə, hakim Azər Tağıyevin sədrliyi ilə keçirilən prosesdə qərar elan olunub.

Qərara əsasən, F. Mollazadənin vəsatəti təmin edilməyib.

Qeyd edək ki, F. Mollazadə Dövlət Təhlükəsizliyi Xidməti Xarici İşlər Nazirliyində keçirdiyi əməliyyat zamanı saxlanılıb.

F.Mollazadə vəzifə səlahiyyətlərindən sui-istifadə etmə, mənimsəmə, rüşvət almaqda təqsirli bilinib.

Səbail rayon Məhkəməsinin qərarı ilə barəsində 4 aylıq həbs qətimkan tədbiri seçilib.

Dİgər xəbərlər