Soyuq duşun dəriyə təsiri: Hər kəs təəccüblənəcək...

Hər kəs bilir ki, soyuq duş qəbul etmək həm səhər ayılmağa kömək edir, həm də enerjini gücləndirir. Ancaq soyuq duş qəbul etməyin faydaları bununla məhdudlaşmır. Soyuq və ya ilıq su ilə qısa müddətli duş qəbul etmək əslində dərinizə inanılmaz təsir göstərəcək .

Lent.az soyuq su ilə duş qəbul etməyin 5 təəccüblü faydasını təqdim edir:

1. Dərinizə sağlam bir parıltı verir

Soyuq duş qan dövranını artırmağa kömək edir. Bu, üzünüzə təravətli və parlaq görünüş verir. Dərinizi daha parlaq etmək üçün çox uzun müddət soyuq suyun altında qalmanıza ehtiyac yoxdur. Sərin və ya ilıq su ilə duş qəbul etmək də dərinizi qidalandırmaq üçün kifayətdir.

2. Dərinin qocalmasının qarşısını alır

Soyuq su ilə duş qəbul etmək vərdişi dərinizin daha uzun müddət gənc qalmasına kömək edir. Soyuq su sinir sisteminizi aktivləşdirir və bədəninizdə streslə mübarizə hormonlarını stimullaşdırır. Tədqiqatlar göstərir ki, stres dərinin qocalmasına birbaşa təsir göstərir və bədənin bir çox sistemini mənfi təsir göstərir.

3. Streslə əlaqəli dəri xəstəliklərinin qarşısını alır

Soyuq duş, elektrik dalğası meydana gətirərək xoşbəxtlik hormonu olan endorfinin beyində sərbəst buraxılmasını stimullaşdırır. Bu kimyəvi maddələr bədən tərəfindən sərbəst buraxıldıqda, stress səviyyəniz azalır və bir sıra dəri problemlərinə daha az meylli olarsınız.

4. Məsamələri sıxlaşdırır

Soyuq suyun üzdəki məsamələri kiçiltmə təsiri də var. Eyni zamanda üzünüzə canlılıq verir və dərinizin parlaqlığını artırır.

5. Bəzi dəri xəstəliklərinin yaratdığı problemləri aradan qaldırır

İsti duşlar dəriyə qızartı, qaşınma verər, hətta soyulmaya səbəb ola bilər, soyuq su isə əksinədir. Dərinin qaşınmasından əziyyət çəkənlər üçün soyuq duş məsləhət görülür. Soyuq duş qaşınmanı aradan qaldırılmasına kömək edə bilər.

Ancaq soyuq su ilə duş qəbul etmək bəzi insanlar üçün riskli ola bilər. Mütəxəssislər xüsusilə ürək xəstələrini bu mövzuda xəbərdar edirlər. Çünki soyuq duş ürək xəstələri üçün risklidir. Son dərəcə soyuq su ilə duş qəbul etmək damarlarda büzülməyə səbəb olar və infarkt baş verə bilər. Buna görə hər hansı bir narahatlığınız varsa, bir mütəxəssisə müraciət etməyiniz məsləhətdir.