Türkiyənin populyar Erikagacioyku.com (“Alça ağacı”) ədəbiyyat portalı Azərbaycan şairi Əli Kərimin türk dilinə tərcümə edilən “Fraqmentlər”, “Daş”, “Həmişə səfərdə” kimi şeirlərinin çapına başlayıb.
Bu barədə Lent.az-a Dövlət Tərcümə Mərkəzindən məlumat verilib.
Çap işi mərkəzin “Azərbaycan ədəbiyyatı beynəlxalq virtual aləmdə” layihəsi çərçivəsində həyata keçirilib.
2015-ci ildən fəaliyyət göstərən portal bu ilin iyun ayından başlayaraq Dövlət Tərcümə Mərkəzi ilə əməkdaşlıq çərçivəsində Azərbaycan ədəbiyyatının aparıcı nümunələrini işıqlandıracaq “Azərbaycan ədəbiyyatı” bölməsini açıb. Bölməyə yerləşdirilmiş şeirlər Əli Kərimin həyat və yaradıcılığı haqqında geniş məlumatla təqdim edilir.
Bölmənin klassik Azərbaycan ədəbiyyatı ilə yanaşı müasir Azərbaycan ədəbiyyatı nümunələrini də mütəmadi olaraq işıqlandıracağı nəzərdə tutulur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
