12:20
01 Sentyabr 2020

Türkiyə klubu “Neftçi”nin bu futbolçusunu istədi


Bakının “Neftçi” klubu müdafiəçisi Vojislav Stankoviçlə yollarını ayıra bilər.

Apasport.az saytının məlumatına görə, serbiyalı futbolçunun karyerasını Türkiyədə davam etdirmək variantı yaranıb.

33 yaşlı mərkəz müdafiəçisi qonşu ölkənin TFF I liqasında çıxış edən klublarının diqqət mərkəzinə düşüb. Cari mövsüm Avropa Liqasında və Azərbaycan Premyer Liqasında 1 oyun keçirən “ağ-qaralar”da Stankoviç hər iki qarşılaşmanın yalnız son dəqiqələrində meydanda olub. Onun “flaqman”la müqavilə müddəti 2021-ci ilin yayına qədərdir.

Qeyd edək ki, “Neftçi”nin prezidenti Kamran Quliyev Türkiyə mətbuatına açıqlamasında iki futbolçularına həmin ölkədən rəsmi təklif gəldiyini açıqlayıb.

Dİgər xəbərlər