1630
14:46
11 Avqust 2020

Karantini pozan restoran sahibi cərimələndi

Balakən rayon Polis Şöbəsinin əməkdaşları rayon ərazisində karantin rejiminin tələblərinə riayət etməyən restoran müəyyən ediblər.

DİN-in mətbuat xidmətinin Şəki regional qrupundan Lent.az -a verilən məlumata görə, rayonun Katex kəndində yerləşən “Fontan” restoranında masaların bir-birinə yaxın qoyulduğu, müştərilərin sosial məsafə gözləmədən əyləşdikləri aşkarlanıb.

Qaydalara əməl etməyən obyekt sahibi Ruslan Osmanov barəsində İnzibati Xətalar Məcəlləsinin müvafiq maddəsi ilə protokol tərtib edilərək, 3 min manat cərimələnib.