1930
09:48
08 Avqust 2020

Yevlaxdan bu rayona dilənməyə getdilər

Cəlilabad rayon Polis Şöbəsinin əməkdaşları ölkə ərazisində elan edilmiş xüsusi karantin rejiminin tələblərini pozan şəxslərlə bağlı tədbirlər davam etdirir.

DİN mətbuat xidmətinin Lənkəran regional qrupundan Lent.az -a verilən məlumata görə, bu istiqamətdə keçirilən nəzarət-profilaktiki tədbirlər çərçivəsində sərtləşdirilmiş karantin rejiminin tələblərinə uyğun olaraq Cəlilabad şəhəri ərazisində qurulmuş postlardan birində saxlanılan “Vaz 21011” markalı avtomobilin sürücüsü olan Yevlax şəhər sakini C.Bukavadzenin karantin rejimi qaydalarını pozaraq Yevlaxdan Cəlilabada gəldiyi müəyyən edilib.

Avtomobildə olan digər 2 Yevlax sakini isə Cəlilabad şəhəri ərazisində dilənçiliklə məşğul olduqlarını bildiriblər. Hər 3 şəxs Cəlilabad rayon Polis Şöbəsinə dəvət edilərək onlarla profilaktik söhbətlər aparılıb və barələrində İnzibati Xətalar Məcəlləsinin müvafiq maddəsi ilə protokol tərtib edilib.