Yun geyimləri yuyanda diqqət etməli ƏN VACİB QAYDALAR

Yundan olan məhsulların görünüşlərini korlamamaq üçün onları xüsusi qaydalara riayət edərək yumaq lazımdır. Bu qaydalar hansılardır?

Lent.az xarici KİV-ə istinadən yundan olan məhsulların yuyulma qaydasını təqdim edir:

1. Paltaryuyan maşından istifadə etməyin

Maşının dövrələrindən gələn sürtünmə düzgün rejimi qursanız da, yuna zərər verə bilər. Bundan əlavə, yüksək temperatur və yuyucu tozun yüksək konsentrasiyası əşyanın ömrünü qısaldır və yumşaq təbii materialı daha sərt və xoşagəlməz bir toxunuşa çevirir.

Üstəlik, yun paltaryuyan maşını zədələyə bilər. Çünki tiftik nasosun içərisində sərt qalıqlar əmələ gətirir.

Ən yaxşı seçim əl ilə yumaqdır, xüsusilə də qoyun yunundan və ya kəşmirdən hazırlanmış sviter olduqda.

2. Soyuq suda islatmaq

Yunu hansı temperaturda yumaq lazımdır? Yalnız aşağı dərəcədə. Soyuq suya yumşaq yuyucu vasitə əlavə edin (bir xörək qaşığı kifayət edəcək). Yumazdan qabaq sviter 5-10 dəqiqə bu suda islanmalıdır.

3. Yaxalama

Vannadan sabunlu suyu tökün, onu yaxalayın, təmiz və sərin su ilə doldurun. Yuduğunuzun üstünə su çıxanadək doldurun, bir neçə dəfə sıxıb açın ki, sabunlu məhlul təmizlənsin. Suyu o vaxta qədər dəyişdirin ki, artıq sıxdıqda sabun köpüyü görünməyəcək.

4. Sıxma və qurutma

Təzəcə yuyulan yun məmulatını heç vaxt burmayın və asmayın, əks halda dartılacaq və formasını itirəcək. Artıq nəm təmiz və quru dəsmallarla çıxarıla bilər.

Ən yaxşısı sviteri əvvəlcədən sərilmiş dəsmalın üzərində üfüqi səthdə qoymaqdır.

Sviteri qurumağa qoymazdan əvvəl ona düzgün forma verməlisiniz. Bu, onun ölçüsünün qorunmasına imkan verəcək.

Sviterin tamamilə quruması bir neçə gün çəkə bilər. Buna görə, altındakı dəsmalı dəyişdirməyi, həmçinin sviteri digər tərəfə çevirməyi unutmayın.

Yun papaqları, şalvarlarınızı, əlcəklərinizi, şərflərinizi, corablarınızı, eləcə də şallarınızı da bu qaydada yuyun.

Həmişə xatırlayın ki, yunun həqiqətən tez-tez yuyulmasına ehtiyac yoxdur, xüsusən də paltaryuyan maşında. Bir şeyi diqqətlə düşünün: bəlkə də ləkənin təmizlənməsi və ya havalandırma kifayət edər. Hər hansı bir geyim kimi, açıq və tünd rəngli yun ayrıca yuyulmalıdır. Həmişə yalnız yun və kəşmir məhsulları yumaq üçün xüsusi hazırlanmış gel və tozlardan istifadə edin.Yuyulmadan əvvəl paltarları içəri üzünə çevirin. Maşına qoymazdan əvvəl yuduğunuzu soyuq suda isladın. Bu, onların barabanda deformasiya olması ehtimalını azaldır. Həmişə yuyulma rejimini yalnız soyuq suya qurun. Azacıq isti olsa belə, yun məhsulun büzülməsinə səbəb ola bilər. Minimum dövrə sayını qoşun və barabanı digər şeylərlə çox yükləməyin. Heç vaxt quruyma rejimini yun üçün istifadə etməyin. Həmişə "Zərif yuma" və ya "Yun" rejimini qurun, yuyucu vasitəni baraban yerinə deyil, maşındakı xüsusi yuvacığa qoyun, soyuq suda yuyun, minimum sürəti təyin edin, qurutma rejimindən istifadə etməyin.