İki amerikalı hərbçinin həlak olması faciədir, lakin İrana qarşı hərbi əməliyyatın davam etdirilməsi zəruridir.
Lent.az xəbər verir ki, bunu ABŞ Prezidenti Donald Tramp “The New York Post” qəzetinə müsahibəsində bildirib.
ABŞ Prezidenti hərbçilərin ölümünü “təəssüf doğuran hadisə” adlandırsa da, əməliyyatın hələ də həyati əhəmiyyət daşıdığını vurğulayıb: “Həlak olan hərbçilər İran rejiminin nüvə silahı əldə etməsinin qarşısını almaq üçün ən böyük fədakarlığı göstəriblər. Tehran dayandırılmasa, region daha genişmiqyaslı münaqişəyə sürüklənə bilər”.
Qeyd edək ki, cümə günü İordaniyadakı Muvaffaq Salti Hərbi Hava Bazasına edilən hücum nəticəsində iki ABŞ hərbçisi həlak olub, bir hərbçi itkin düşüb, azı dörd nəfər isə yaralanıb. Donald Trampdan həlak olan hərbçilərin ailələri ilə əlaqə saxlayıb-saxlamayacağı soruşulduqda o, tərəddüd etmədən cavab verib: “Əlbəttə. Mən bunu həmişə edirəm. Bəli”.
Qeyd edək ki, ABŞ Ordusu şənbə günü ardıcıl səkkizinci gecə İrana qarşı hava zərbələri endirib. Əməliyyatlar yerli vaxtla saat 18:00-da başlayıb və təxminən beş saat yarım sonra – saat 23:30-da başa çatıb. ABŞ Mərkəzi Komandanlığının (CENTCOM) məlumatına görə, son zərbələr İranın hərbi sahil müşahidə və hava hücumundan müdafiə obyektlərini, dəniz hərbi imkanlarını, eləcə də raket və pilotsuz uçuş aparatlarının saxlanıldığı məntəqələri hədəfə alıb. Bildirilib ki, ABŞ Ordusu həmçinin iyulun 17-də İordaniyada amerikalı hərbçilərə qarşı hücumlarla əlaqələndirilən İslam İnqilabı Keşikçiləri Korpusunun (SEPAH) mövqelərinə də zərbələr endirib.
CENTCOM həmçinin qeyd edib ki, Tehrana qarşı həyata keçirilən hücumlar İslam İnqilabı Keşikçiləri Korpusunu operativ şəkildə cəzalandırmaq məqsədi daşıyır.
İranın İordaniyada iki amerikalı hərbçini öldürməsindən sonra ABŞ Yaxın Şərqə əlavə döyüş təyyarələri göndərir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
