Hindistanın “Serum Institute of India” şirkəti vərəmə (tuberkulyoz) qarşı hazırlanmış eksperimental M72/AS01E peyvəndinin istehsalı ilə bağlı “Gates Medical Research Institute” ilə əməkdaşlıq sazişi imzalayıb.
Lent.az xəbər verir ki, hazırda III faza klinik sınaqlardan keçən preparat təsdiqlənərsə, 100 ildən artıq müddətdə istifadəyə veriləcək ilk yeni vərəm peyvəndi olacaq.
Şirkət istehsal gücünün artırılması üçün 100 milyon dollardan çox investisiya qoyacağını açıqlayıb.
Ümumdünya Səhiyyə Təşkilatının (ÜST) hesablamalarına görə, peyvənd uğurlu olarsa, növbəti 25 il ərzində 76 milyon yeni vərəm hadisəsinin qarşısını ala, 8,5 milyon insanın həyatını xilas edə və milyardlarla dollar iqtisadi itkinin qarşısını ala bilər.
Hazırda dünyada geniş istifadə olunan yeganə vərəm peyvəndi BCG peyvəndidir və o, 1921-ci ildən tətbiq olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
