Bakı sakinindən 2 kilodan çox narkotik götürüldü

Bakıda narkotik alverçisi saxlanılıb.

DİN mətbuat xidmətindən Lent.az-a verilən məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının daxil olmuş məlumat əsasında Hövsan qəsəbəsi ərazisində əməliyyat tədbiri keçiriblər. Nəticədə narkotiklərin qanunsuz dövriyyəsində şübhəli bilinən qəsəbə sakini A.Rəhimov saxlanılıb.

Şəxsi axtarış zamanı ondan çəkisi 2 kiloqram 535 qram marixuana götürülüb.