12:42
01 May 2020

Mərkəzi Bank banklara nə göstəriş verib? - AÇIQLAMA

Valyuta bazarında vəziyyət stabilləşib.

“APA-Economics”in verdiyi xəbərə görə, bu barədə Azərbaycan Mərkəzi Bankının (AMB) İdarə Heyətinin sədri Elman Rüstəmov bu gün keçirilən mətbuat konfransında məlumat verib.

Onun sözlərinə görə, hətta valyuta hərraclarında tələb 193 mln. dollardan 57 mln. dollaradək enib: “Əlavə stabilləşmə potensialı da var. Bu da əhalinin nağd valyuta alışları problemidir. Biz əvvəlki səviyyəyə qayıtmamışıq və bu istiqamətdə işlər davam etdiriləcək”.

E. Rüstəmov sözlərinə görə, AMB banklara göstəriş verib ki, onlar konvertasiya siyasətinə diqqət etsinlər: “İlk növbədə, ölkənin sosial əhəmiyyətli ehtiyaclarına – ərzaq, dərman ləvazimatı ilə təminatı və bu kimi məhsulların ölkəyə idxalına üstünlük versinlər. Başqa məhdudlaşdırma yoxdur. Bu da əslində məhdudlaşdırma deyil, tövsiyə xarakterlidir”.

Dİgər xəbərlər