698
11:44
17 Fevral 2020

Həcc ziyarəti üçün sənəd verənlərin sayı AÇIQLANDI

Həcc ziyarətinə getmək istəyənlər üçün sənəd qəbulu davam edir.

Qafqaz Müsəlmanları İdarəsindən (QMİ) Lent.az -a verilən məlumata görə, artıq 150-dən çox insan sənədlərini təqdim edib.

Həcc ziyarəti üçün Səudiyyə Ərəbistanına gediş-gəliş iyulun 20-dən avqustun 15-dək nəzərdə tutulur: “Zəvvarları aparan ilk təyyarənin iyulun 20-də yola düşəcəyi nəzərdə tutulub.

Həcc ziyarətinə sənəd qəbulu yanvarın 24-dən başlayıb.

Sənədlərin qəbulu Ramazan ayının (may ayının sonu) sonuna kimi davam edəcək.

Həcc ziyarətinə 1500 nəfərlik kvota ayrılıb.

Ziyarətin qiyməti isə bir nəfər üçün 4490 dollar müəyyən edilib.