594
19:18
13 Fevral 2020

Avtomobildən 2 kq-dan çox heroin aşkarlandı


İmişlidə avtomobildən 2 kiloqramdan çox heroin aşkarlanıb.

Daxili İşlər Nazirliyinin (DİN) mətbuat xidmətindən Lent.az -a verilən məlumata görə, İmişli Rayon Polis Şöbəsi əməkdaşlarının Çaxırlı kəndi ərazisində keçirdikləri əməliyyat-axtarış tədbirləri nəticəsində Xaçmaz rayon sakini V.Abbasovun idarə etdiyi “KİA” markalı avtomobil saxlanılıb.

Avtomobilə baxış zamanı oradan 2 kiloqram 735 qram heroin və 835 qram metamfetamin aşkar edilərək götürülüb.

Faktla bağlı araşdırma aparılır.