1339
06:24
12 Fevral 2020

Polis Quaydonu qarşılamağa gedən deputatları saxladı

Venesuela hüquq-mühafizə orqanlarının əməkdaşları müxalifət lideri Juan Quaydonu paytaxtdakı Mayketiya Hava limanında qarşılamağa gedən parlament üzvlərinin avtobuslarını saxlayıb.

APA-nın məlumatına görə, bu barədə parlament üzvləri çərşənbə axşamı “Twitter” hesabında bildiriblər.

Qeyd edilib ki, nəqliyyat vasitələrinin hərəkətinə icazə verilmədikdə deputatlar hava limanına piyada getməyi qərara alıblar.

Qeyd edək ki, bundan əvvəl Venesuela müxalifəti liderinin mətbuat xidməti Quaydonun ölkəyə gəlişinin yaxın saatlarda gözlənildiyini bildirmişdi.

O, son “Twitter” hesabında yazıb ki, "Venesuela, biz artıq Karakasdayıq".

Xatırladaq ki, ölkə müxalifətinin lideri Quaydo antiterror sammitində iştirak etmək üçün yanvarın 19-da Kolumbiya gedib. Bundan sonra o, Avropanın bir neçə ölkəsində, habelə Kanada və ABŞ-da olub. Bu günədək Ali Məhkəmənin çıxardığı məlum qərardan sonra ölkəsinə qayıda bilməyib.