406
11:47
07 Fevral 2020

Piyada hadisə yerində öldü


Masallıda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin (DİN) mətbuat xidmətindən Lent.az -a verilən məlumata görə, fevralın 6-da saat 18 radələrində Masallı rayonunun Səmidxan kəndi ərazisində Lənkəran şəhər sakini C.Tağıyev idarə etdiyi “Ford” markalı avtomobillə yolu keçən Qodman kənd sakini Təhmasib Həşimovu vurub. Nəticədə piyada hadisə yerində ölüb.

Faktla bağlı Baş İstintaq və Təhqiqat İdarəsi tərəfindən araşdırma aparılır.