Dünyada yeni qlobal maliyyə böhranı gözlənilir – PROQNOZ

Dünya Bankının analitiklərinin fikrincə, tezliklə dünya yeni bir qlobal maliyyə böhranı ilə üzləşəcək.

Lent.az xarici mediaya istinadən bildirir ki, ekspertlərin iddiasına görə, o, tarixdə ən böyük böhran olacaq və Çinə görə başlayacaq.

Qərb mənblərinin xəbərinə görə, böhranın səbəbi hazırda həm özəl, həm də dövlət sektorunda sabit olan borc yükünün artması ola bilər.

Qlobal borc bu gün 246 trilyon dollar təşkil edir və mütləq rekord hesab olunur. Bu göstərici qlobal ümumi daxili məhsuldan – planetdəki bütün məhsul və xidmətlərdən 3 dəfədən də çoxdur.

Qlobal borc son on ildə Çinin hesabına artmaqdadır, burada borcun ümumi həcmi 20 trilyon dolları keçib.

Mütəxəssislərin ehtimalına görə, pessimist bir ssenari 20 faiz ehtimal ilə həyata keçirilə bilər. Ancaq vəziyyətin yaxşılaşmasını gözləməyə dəyməz.

Vəziyyətin ən optimal həlli ondan ibarətdir ki, vəziyyəti indiki kimi qorumaqdır, lakin bunun üçün Amerika Birləşmiş Ştatları onlar tərəfindən başladılan ticarət müharibəsinə son qoymalıdır.