APOEL-in sabiq baş məşqçisi Tomas Doll Kipr klubundan ayrılmasının səbəbləri haqda danışıb.
O, bu zaman Çempionlar Liqasında "Qarabağ"a qarşı keçirdikləri oyunu da xatırladıb: "Avqustun 7-i Kiprə getdim, 8-i komandanı qəbul etdim 4 gün sonra isə Azərbaycanda "Qarabağ"a 2:0 hesabı ilə qalib gəldik. Hamı tərəfindən təbrik edildik. Futbol belədir.
2019-cu il mənə çox şey öyrətdi. Əgər bir klub rəhbərliyi məşqçisini dəstəkləmirsə, orada qalmaq şansınız yoxdur. Ağlamaq istəmirəm, amma həqiqətən belədir.".
Qeyd edək ki, APOEL ÇL-in 3-cü təsnifat mərhələsinin cavab oyununda "Qarabağ"a 2:0 hesabı ilə qalib gələrək pley-off-a yüksəlmişdi. Komanda pley-off-da "Ayaks"a uduzmuşdu.
Əlavə edək ki, APOEL Tomas Dollun rəhbərliyi altında Avropa Liqasında sona bir tur qalmış 1/16 final mərhələsinə vəsiqəni rəsmiləşdirmişdi. Komanda Avroliqada "Qarabağ"la Bakıdakı oyunda heç-heçə (2:2) edib, evdə qalib (2:1) gəlib.
Doll dekabrda istefaya göndərilib.
(Qol.az)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
