1463
13:20
09 Dekabr 2019

Bacısı intihar edən futbolçunun atası danışdı - YENİLƏNİB

Azərbaycan millisinin və "Keşlə"nin müdafiəçisi İlkin Qırtımovun bacısının intiharı ilə bağlı atası, Zaqatala rayon Aşağı Tala kənd 3 saylı orta məktəbin direktoru İlham Qırtımov açıqlama verib.

İlham Qırtımov bildirib ki, qızı intihar deyil, bədbəxt hadisə nəticəsində dünyasını dəyişib:

“Sevinc Yasamalda oğlum ilə ("Keşlə"nin müdafiəçisi İlkin Qırtımov) birlikdə yaşayırdı. Hadisə Yasamalda binanın 18-ci mərtəbəsində baş verib. Bir neçə gün idi, qızım mədəsindən şikayət edirdi. Buna görə də müalicə üçün iynə-dərman etdirirdi. Qızım evin içində qaytarmağa başlayıb. Özünü pis hiss etdiyindən hava almaq üçün evin eyvanına çıxıb. Yenidən qaytaranda ayağı sürüşüb və aşağı düşüb.(ağlayır)”. (unikal.org)

***

09:20

İlham Qırtımov övladının subay olduğunu, Azərbaycan Milli Konservatoriyasında çalışdığını bildirib.

Bakıda intihar hadisəsi baş verib.

APA-nın məlumatına görə, hadisə paytaxtın Yasamal rayonu ərazisində qeydə alınıb.

1992-ci il təvəllüdlü Qırtımova Sevinc İlham qızı kirayə yaşadığı binadan özünü atıb. Avtomobilin üzərinə düşən qız hadisə yerində keçinib.

İntiharın motivi hələlik məlum deyil.

Faktla bağlı araşdırma aparılır.

Qeyd edək ki, intihar edən S.Qırtımova Zaqatala rayon Aşağı Tala kənd 3 saylı orta məktəbin direktoru İlham Qırtımovun qızı, hazırda “Keşlə”də oynayan millimizin sabiq futbolçusu İlkin Qırtımovun bacısıdır.