Laqonda ilə barmaqlarını doğrayan ustadan YENİ XƏBƏR

Mingəçevirdə barmaqlarını kəsən usta evə buraxılıb.

Bu barədə Mingəçevir Mərkəzi Xəstəxanasının baş həkimi Eldar Kərimov Lent.az -a açıqlama verib.Onun sözlərinə görə, vətəndaş İsayev Elsevər Qərib oğlu öz istəyi ilə evə buraxılıb: "Hadisə dünən axşam saatlarında baş verib. Usta işləyən İsayev Elsevər Qərib oğlu barmaqlarının amputasiya olunmuş diaqnozu ilə xəstəxanaya yerləşdirilib. Sol əlinin ard-arda 3 barmağını laqonda ilə kəsmişdi. İlkin yardım olaraq kəsilmiş barmaqlarına tikiş qoyuldu. Ona bir neçə gün xəstəxanada qalmaq tövsiyə olunsa da, vətəndaş özü bundan imtina edib".

Qeyd edək ki, Mingəçevir şəhər Naxçıvani küçəsi 29-da usta işləyən 1975-ci il təvəllüdlü İsayev Elşən Qərib oğlu ehtiyatsızlıqdan laqonda ilə sol əlinin barmaqlarını zədələyib.