Yaponiyada tayfun qurbanlarının sayı 25 nəfərə çatıb - YENİLƏNİB

Yaponiyada “Hagibis” tayfunu qurbanlarının sayı 25 nəfərə çatıb.

APA-nın xəbərinə görə, bu barədə “Kyodo” agentliyi məlumat yayıb.

Tayfun nəticəsində 10 nəfər itkin düşüb, 160-dan çox şəxs müxtəlif dərəcəli bədən xəsarəti alıb.

09:12

Yaponiyada “Hagibis” tayfunu qurbanlarının sayı 18 nəfərə çatıb.

APA-nın xəbərinə görə, bu barədə Yaponiya İctimai Televiziyası məlumat yayıb.

Tayfun nəticəsində 13 nəfər İtkin düşüb, 150-yə qədər şəxs müxtəlif dərəcəli bədən xəsarəti alıb.

Yaponiyada axtarış-xilasetmə və təbii fəlakətin nəticələrinin aradan qaldırılması istiqamətində işlər davam edir.

07:33

Yaponiyada güclü “Hagibis” tayfunu nəticəsində ölənlərin sayı 14 nəfərə çatıb.

APA Kyodo agentliyinə istinadla xəbər verir ki, son məlumatlara görə, azı 16 nəfər itkin düşüb, təxminən 125 nəfər yaralanıb.

TBS televiziya kanalı isə 22 nəfərin itkin düşdüyünü, təxminən 150 nəfərin yaralandığını bildirir.

Yaponiyanın Baş naziri Abe tayfun qurbanlarının ailələrinə başsağlığı verib.

"Hagibis" tayfunu Yaponiyanın daha çox İzu yarımadasının ərazisindəki Honşu adasına ziyan vurub. Tayfunun mərkəzindəki təzyiq 945 hektopaskal, küləyin sürəti saniyədə 45 metrə çatır. Atmosfer təzyiqi isə 65-dir.

Paytaxt Tokioda küləyin sürəti saniyədə 41,5 metrə çatıb. Bu sürət yük maşınını çevirmək, ağacları və elektrik ötürücülərinin dirəklərini yıxmaq üçün kifayət edir.