Kredit təşkilatını aldatmaq cəhdi baha başa gəldi

Ağcəbədidə dələduzluq qeydə alınıb.

Daxili İşlər Nazirliyindən Lent.az -a verilən məlumata görə, Ağcəbədi polisi faktla bağlı Ağdam rayon sakini E.Xəlilov və Gəncə şəhər sakini S.Əliyevi saxlayıb. Onlar sentyabrın 20-də Ağcabədi şəhəri ərazisindəki kredit təşkilatlarından birinə gələrək qızıl-zinət əşyalarının müqabilində pul götürmək istədiklərini bildiriblər.

Adları çəkilənlər saxta qızıl əşyalarını təqdim edərək pul götürmək istəyərkən saxlanılıblar.

Araşdırmalarla S.Əliyevin Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilib.