269
13:59
17 Sentyabr 2019

Tanınmış caz ifaçısı Bakıda çıxış edəcək

Sentyabrın 23-də amerikalı tanınmış caz ifaçısı Mişel Uoker Bakıda, Beynəlxalq Muğam Mərkəzində konsert proqramı ilə çıxış edəcək.
Mərkəzdən APA -ya bildirilib ki, konsertdə ifaçı bir-birindən rəngarəng hit mahnılarını təqdim etməklə yanaşı, dünya caz nümunələrindən də musiqi səsləndirəcək.
Bu, Mişel Uokerin ölkəmizdə ilk konserti olacaq. 2000-ci ildən fəaliyyətə başlayan ifaçının ilk debüt albomu "Slown down" ABŞ-da ilin ən yaxşı debüt albomu və ən yaxşı müstəqil vokal caz albomu nominasiyasına layiq görülüb.