Bakıda işlənmiş pamperslərin alınma<span style="color:red;"> MÜƏMMASI : valideynlər <span style="color:red;">TƏŞVİŞDƏ
10 sentyabr 2019 17:14 (UTC +04:00)

Bakıda işlənmiş pamperslərin alınma MÜƏMMASI: valideynlər TƏŞVİŞDƏ

Bir müddətdir ki, sosial şəbəkələrdə işlənmiş pamperslərin alışı ilə məşğul olan şəxslərin peyda olması valideynləri əməllicə təşvişə salıb.

 

Belə ki, "işlənmiş pampersləri alıram" deyə elan verənlər xanımlara istifadə etdikləri, bulaşmış pampersləri atmamağı, toplamağı, müəyyən qədər yığıldıqdan sonra əlaqə saxlayaraq, gəlib götürəcəklərini təklif edirlər. Sözügedən şəxslər tərəfindən bir bez üçün 0.03 qəpik qiyməti qoyulub, ancaq məlumat verilir ki, yaxın vaxtlarda kampaniya olacaq və işlənmiş pamperslərin bir ədədinə 0.05 qəpik ödəniləcək.

 

Maraqlı məqam budur ki, bəzi valideynlər sözügedən vəziyyətdən narazılıqlarını bildirirlər, amma işlənmiş pampersləri sözügedən şəxslərə satanlar da var.

 

Bunu da qeyd edək ki, səhifə tərəfindən pamperslərin alınma məqsədi gizlədilir, valideynlərin suallarına cavab olaraq isə bildirilir ki, pamperslər təkrar emal edilmir. Bundan başqa qeyd edilir ki, bir müddət sonra pamperslərin alışı ilə bağlı video şəklində bütün suallara aydınlıq gətiriləcək.

 

Mövzu ilə əlaqədar Lent.az-a açıqlama verən Azad İstehlakçılar Birliyinin (AİB) sədri Eyyub Hüseynov deyib ki, pamperslərin alınmasında məqsədlər müxtəlif ola bilər:

 

“Bunun hansı məqsədlə olduğu məlum deyil. Zənnimcə, ya sözügedən bezlər təkrar istehsala gedir, ya da ki, bezlər təmizlənərək daha ucuz qiymətlə əhaliyə satılır. Bu alınırsa, bunda məqsəd mütləq olmalıdır. Düşünürəm ki, müvafiq qurumlar bu işi ciddi nəzarətə almalıdır və dəqiqləşdirməlidirlər ki, burada əsas məqsəd nədir”.

 

# 5636
avatar

Hicranə Əlişqızı

Oxşar yazılar