Lənkəranda baş vermiş ağır qəza ilə bağlı YENİ XƏBƏR - Nazirlik

Lənkəran Mərkəzi Rayon Xəstəxanasında hazırda 4 nəfərin müalicəsi davam edir.

Bu barədə Lent.az -a Səhiyyə Nazirliyinin mətbuat xidmətindən bildirilib.

Xəbərə görə yaralıların vəziyyəti orta-ağır stabil qiymətləndirilir.

Vəziyyəti ağır qiymətləndirilən və reanimasiya şöbəsinə yerləşdirilən 42 yaşlı qadın isə sanaviasiya ilə Respublika Neyrocərrahiyyə xəstəxanasına çatdırılıb. Xəstə dərhal əməliyyat olunub. Vəziyyəti ağır olaraq qalır.

29.08.2019

Lənkəranda baş vermiş yol nəqliyyat hadisəsi zamanı xəsarət alan 5 nəfərin hazırda xəstəxanada müalicəsi davam edir.

Bu barədə Lent.az -a Səhiyyə Nazirliyinin mətbuat xidmətindən məlumat verilib. Bildirilib ki, onlardan biri reanimasiyada, digər 4 nəfər isə travmatologiya şöbəsində palatadadır.

Xatırladaq ki, qəza nəticəsində sürücü yerindəcə dünyasını dəyişib. 24 nəfər isə müxtəlif xəsarətlərlə Lənkəran MRX-ya çatdırılıb.