265
19:40
28 Avqust 2019

ABŞ bu ölkədə Venesuela üçün diplomatik ofis açır

ABŞ Kolumbiyanın paytaxtında Venesuela üçün müvəqqəti diplomatik ofis açacağını bəyan edib.
APA-nın xəbərinə görə, bu barədə ABŞ Dövlət Departamentinin saytında məlumat verilib.
Ofisi Kolumbiyanın paytaxtı Boqota şəhərində yerləşəcək diplomatik nümayəndəliyə müvəqqəti işlər vəkili Ceyms Stori rəhbərlik edəcək.
"Diplomatik nümayəndəlik Venesuelada demokratiya və konstitusiya quruluşunun bərpası, Venesuela xalqının təhlükəsizliyi və rifahı üçün çalışacaq" deyə bildirilib.
Qeyd edilib ki, diplomatik nümayəndəlik özünü müvəqqəti prezident elan etmiş prezidenti Xuan Quaydo hökuməti, Milli Assambleya, Venesuela vətəndaş cəmiyyəti və Venesuela xalqı ilə əməkdaşlıq edəcək.