Üzüm mürəbbəsini belə hazırlayın - Usta öz sirlərini açır: Lent.az-ın mətbəxi

Lent.az -ın mətbəxi layihəsində növbəti yazımızı təqdim edirik.

Bu dəfə sizi sosial şəbəkədə “Азери” adı ilə məşhur olan səhifəyə istinadla üzüm mürəbbəsinin resepti ilə tanış edəcəyik.

Tərkibi:

200 ml su, 600 q şəkər tozu, 2 ədəd hil və ya vanilin (1/2 çay qaşığı), 1 kq üzüm (kişmiş üzüm - tumsuz)

Hazırlanma qaydası:

Üzümləriin gilələrini təmiz yuyuruq və bir dəqiqə qaynar suda pörtürük. Sonra qaynar sudan çıxarıb bir dəqiqə soyuq suda saxlayırıq və süzürük. Daha sonra ləyənə şəkər tozunu və üzərinə üzümü qaynatdığımız sudan əlavə edib şirə hazırlayırıq. Qaynayan şərbətə üzümləri tökürük, 5 dəqiqə qaynadırıq və kənarda 7-8 saat saxlayıb yenidən ocağa qoyuruq. İkinci dəfə də yenidən beş dəqiqə qaynadırıq və kənara qoyub tam soyuduruq. Üçüncü mərhələdə 10 dəqiqə qaynadıb mürəbbəni ocaqdan götürürük. Sonra 3-4 ədəd hil əlavə edib sterilizə olunmuş bankalara yığıb sərin yerdə saxlayırıq.

Nuş olsun!