Mehriban Əliyeva Rusiya prezidentinə təşəkkür məktubu göndərib
15 avqust 2019 13:06 (UTC +04:00)

Mehriban Əliyeva Rusiya prezidentinə təşəkkür məktubu göndərib

 
Azərbaycanın I Vitse-prezidenti Mehriban Əliyeva Rusiyanın “Dostluq” ordeninə layiq görüldüyünə görə bu ölkənin Prezidenti Vladimir Putinə təşəkkür məktubu göndərib.
 
APA-nın xəbərinə görə, məktubda deyilir:  
 
“Hörmətli Vladimir Vladimiroviç,
 
Azərbaycan ilə Rusiya arasında dostluq münasibətlərinin inkişafı sahəsində fəaliyyətimə verdiyiniz yüksək qiymətə və Rusiya Federasiyasının ali fəxri mükafatına – “Dostluq” ordeninə görə Sizə səmimi qəlbdən təşəkkür edirəm.
 
Ölkələrimiz arasında münasibətlər bir çox sahələri əhatə edir. Bu münasibətlər strateji tərəfdaşlıq səviyyəsinə yüksəlib. Azərbaycan və Rusiyanın dövlətlərarası əməkdaşlığı çoxəsrlik təməl üzərində təşəkkül tapıb. Azərbaycan və Rusiya öz münasibətlərini sülh, qarşılıqlı hörmət və mehriban qonşuluq əsasında qururlar. Bizim dostluğumuz və səmərəli tərəfdaşlığımız ölkələrimizin və xalqlarımızın maraqlarına tam cavab verir, regionda sülhə və sabitliyə xidmət edir.
 
Hörmətli Vladimir Vladimiroviç, fəxri mükafata görə Sizə bir daha səmimi qəlbdən təşəkkür edirəm. Sizə möhkəm cansağlığı, xoşbəxtlik və uğurlar, Rusiya xalqına firavanlıq, sülh və tərəqqi arzulayıram”.
# 521
avatar

Oxşar yazılar