Bu ölkələrin xarici İşlər nazirləri Azərbaycanın ərazi bütövlüyünü dəstəklədi

Qoşulmama Hərəkatına üzv ölkələrin xarici işlər nazirlərinin Venesuelanın paytaxtı Karakasda keçirilən konfransında iyulun 21-də qəbul edilən yekun bəyannaməsində Azərbaycanın suverenliyinə və ərazi bütövlüyünə dəstək bird daha vurğulanıb.

Lent.az -ın xəbərinə görə, bunu Azərbaycan Xarici İşlər Nazirliyinin sözçüsü Leyla Abdullayeva öz rəsmi “Twitter” hesabında qeyd edib.

Bəyannamə həmçinin Ermənistan-Azərbaycan Dağlıq Qarabağ münaqişəsinin məhz bu prinsiplər üzərində danışıqlar yolu ilə həll edilməsini təşviq edir.

Qeyd edək ki, Qoşulmama Hərəkatına üzv ölkələrin xarici işlər nazirlərinin görüşü iyulun 18-21-də Karakasda keçirilib.