Bu ixtisaslar üzrə qeydiyyat başa çatır

Ümumi (9 illik) orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları üzrə qeydiyyat bu gün başa çatacaq.

Bu barədə Lent.az -a Dövlət İmtahan Mərkəzindən məlumat verilib. Bildirilib ki, qeydiyyat iyulun 8-də başlayıb və 16 iyulda bitəcək. Qabiliyyət imtahanları isə 18-22 iyul tarixlərində keçiriləcək.

Qeyd edək ki, tam (11 illik) və ümumi (9 illik) orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları üzrə məlumatlar 2019-cu ildə nəşr edilmiş abituriyent jurnalının xüsusi buraxılışı olan “Xüsusi qabiliyyət imtahanları” jurnalının 2-ci sayında verilib.