778
12:54
27 May 2019

"Problemli kreditlər üzrə Azərbaycan Prezidentinin fərmanının icrası yekunlaşır" - İbrahim Alışov

Problemli kreditlər üzrə Azərbaycan Prezidentinin fərmanının icrası yekunlaşma fazasındadır.
ONA -nın məlumatına görə, bu barədə jurnalistlərə Azərbaycan Maliyyə Bazarlarına Nəzarət Palatasının (MBNP) İdarə Heyətinin sədrinin vəzifəsini icra edən İbrahim Alışov deyib.
Onun sözlərinə görə, problemli kreditlər üzrə 90%-dən artıq vəsait insanlara ödənilib.
İ.Alışov qeyd edib ki, müəyyən edilməmiş səbəblərdən kompensasiya məbləği 500 manatdan aşağı olan altı minə yaxın kart sahibi hələ də “Azərpoçt”a müraciət etməyib. Ola bilər ki, bunun səbəbi kompensasiya məbləğlərinin az olduğundandır (20-50 manatdan az).