559
15:04
06 May 2019

Ərəbdilli əlyazmalar kataloqunun IV cildi çapdan çıxdı

Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutunda mühafizə olunan ərəbdilli yazılı abidələrin IV cild kataloqu rus dilində çapdan çıxıb.
ONA -nın məlumatına görə, kataloqa XIV-XX əsrlərdə müxtəlif şərq ölkələrində köçürülmüş 590 əlyazmanın təsviri daxildir.
Əlyazmalar elmin müxtəlif sahələrini – qrammatika, ədəbiyyatşünaslıq, fiqh, tarix, poetika, fəlsəfə və astronomiyanı əhatə edir.
Kataloq kitabının tərtibçisi filologiya üzrə elmlər doktoru, professor Kamandar Şərifov, elmi redaktoru akademik Teymur Kərimlidir.