395
15:02
04 Mart 2019

"Rusiyanın “öz köpəyoğlusunun” hərəkətlərinə səbri tükənməz deyil” - Zabelindən erməni səfirə açıq məktub

Mixail Zabelin Ermənistanın Rusiyadakı səfirinə açıq məktub göndərib
Milli Məclisin deputatı, Azərbaycan Rus İcmasının sədri Mixail Zabelin rusiyalı deputatların Bakıda keçirilən yürüşdə iştirakına görə Ermənistanın Rusiyadakı səfiri Vardan Toqayanın hiddətlənməsi ilə əlaqədar ona açıq məktub göndərib.
ONA AZƏRTAC-a istinadən məktubu təqdim edir: “Cənab səfir. Təəssüf ki, siz haqlısınız. Rusiya dövləti Ermənistana həmişə ciddi kömək göstərib və göstərir, onu dəstəkləyib və dəstəkləyir. Rusiyanın sayəsində Ermənistan dövlətinin və erməni xalqının sosial-iqtisadi vəziyyəti hələ “mövcudluğunu” davam etdirir və “o, köpəyoğludur, amma bizim köpəyoğludur” prinsipi əsas götürülməklə Ermənistana hər şeyi bağışlayırlar.
Rusiyalı bir sıra parlamentarilərin və bəzi ictimai xadimlərin mövqeyinə görə sizin hiddətlənməyinizin səbəbi tamamilə aydındır, axı onlar Ermənistandan icazə istəmədən Xocalı faciəsinin qurbanlarına abidə önünə çiçəklər qoymağı, qolları heç bir təqsiri olmayan Xocalı sakinlərinin – qocaların, qadınların və uşaqların qanına dirsəyə qədər bulaşmış erməni nasistlərin hərəkətlərinə obyektiv münasibət bildirməyi özlərinə rəva görüblər.
Ermənistanın faşist ideologiyasının və Rusiyaya qarşı mübarizənin rəmzinə çevrilmiş nasist cani Qaregin Njdenin timsalında nasizmin təriflənməsinə və qəhrəmanlıq kimi qələmə verilməsinə görə monomillətli, millətçi Ermənistanı kim qınaya bilər?!
Ermənistanda rus əhalinin və rus dilinin sıxışdırılmasına, rus məktəblərinin bağlanmasına görə Ermənistanı kim qınaya bilər?!
“Dənizdən dənizə böyük Ermənistan” kimi şovinist və “böyük millətçilik” arzusu naminə terrorizmə, qonşu dövlətin ərazisinin 20 faizinin işğal edilməsinə görə Ermənistanı kim qınaya bilər?!
Siz Rusiya ilə “dostluq və səmimi münasibətlər körpüləri salınması” barədə danışanda yəqin ki, Ermənistanın bu siyasətini nəzərdə tutursunuz.
Xoşbəxtlikdən, böyük Rusiyada nasist ideologiyasını əsas tutan Ermənistanın şovinist, millətçi siyasətinin nəyə gətirib çıxara biləcəyini anlayan siyasətçilər və ictimai xadimlər çoxdur və Rusiyanın “öz köpəyoğlusunun” hərəkətlərinə səbri tükənməz deyil”.