Əməkdar artist Nüşabə Ələsgərlinin halı pisləşib. Lent.az-ın məlumatına görə, “Bizimləsən” verilişinə qatılan müğənni özünü pis hiss etdiyini diqqətə çatdırıb. Daha sonra isə studiyadan çıxan ifaçıya dərman verilib. Bir az keçdikdən sonra geri qayıdan Ələsgərli tez-tez belə hallara düşdüyünü bildirib:
“Anamın ölümündən sonra tez-tez belə oluram. Deyirəm, bəlkə mən də bacım kimi xərçəng xəstəsiyəm. Boğuluram, su da içə bilmirəm”.
Az keçmədən müğənninin halı yenidən pisləşib və təcili yardım çağırılıb. Həyat yoldaşı Rza bəy də xəbəri eşidib telekanala gəlib.