Elnarə: "Mal-qara, toyuq-cücə saxlayacam"

Əməkdar artist Elnarə Abdullayeva qazanc yeri olan toyların azalmasından narahat olmadığını deyib. Lent.az-a açıqlama verən ifaçı bildirib ki, əgər toydan pul qazana bilməsə, mal-qara saxlayacaq: “Dolların qalxmasını, toyların azalmasını dərd etməyə dəyməz. İnsan hər halına şükür etməlidir. Xeyli vaxtdır ki, toylar azalıb, bunu özümə problem saymıram. Toylar az olsa, yəni belə davam etsə, mal-qara, toyuq-cücə saxlayacam. Süddən, qatıqdan, yumurtadan gələn pulla da dolanacam. Qapımda göy-göyərti əkərəm. Yeməyim olmasa, göyərtinin üstünə yumurta vurub yeyəcəm. Ümumiyyətlə, insan zəhmətkeş olmalıdır. Yoxsa dollar qalxdı, toy azaldı, bunu problem etməməlidir. Allaha şükür olsun ki, azad dövlətdə yaşayırıq. Bəziləri qudurğanlıq etməsin. Allah ruzunu əlimizdən almasın. Başqa şeylər düzələr”.