Azərbaycanın əməkdar artisti Rəhman Rəhmanovun oğlu müğənni Emil Rəhmanov polis tərəfindən saxlanılıb.
Əməkdar artist ans press-ə oğlunun saxlanıldığını təsdiqləyib. Amma Rəhman Rəhmanov oğlu ilə danışmadığını deyib: “O adam məni maraqlandırmır. Bir aydır mən o adamla nə danışıram, nə də görüşürəm. Kim nə edir, özünə edir. Mənə heç nə etmir. Mənim o adda oğlum yoxdur!”
Əlavə edək ki, aktyorun oğlu 2008-ci ildə də soyğunçuluq etməkdə təqsirləndirilərək həbs olunub və 6 il azadlıqdan məhrum edilmişdi.