“Apple”dan yeni inqilabi cihazla bağlı AÇIQLAMA

Robotlar “Apple” şirkətinin biznesi üçün növbəti böyük inqilab yarada bilər.

Lent.az xarici mediaya istinadən xəbər verir ki, “Apple” öz elektrikli avtomobilini yaratmaq üçün on il davam edən axtarışa son qoyduqdan sonra bütün diqqətini ev robotlarının inkişafına yönəldir.

Bildirilir ki, bu istiqamət “Apple” üçün növbəti böyük iş ola bilər .

Bu layihələrdən biri insanları evlərinin ətrafında izləyə bilən “mobil robot” kimi təsvir edilir. Şirkət həmçinin istifadəçinin hərəkətindən sonra ekranı döndərən robot qolu olan masaüstü cihaz hazırlayıb. Hər iki layihə ilkin mərhələdədir.

Məlumata görə, “Apple” robotlara “insanların evlərindəki səliqəsiz boşluqları idarə etməyə” kömək etmək üçün süni intellekt alqoritmlərinin istifadəsini araşdırır. Eyni zamanda, şirkət “qab-qacaq yumaq kimi məişət işlərini görə bilən” ev robotları üzərində də işləyir. Ancaq son dərəcə mürəkkəb mühəndislik problemləri səbəbindən yaxın onillikdə bu inkişafın mümkün olmadığı ehtimal edilir.

“Apple”ın ev robotu mobil virtual köməkçi kimi xidmət edən və evdə təhlükəsizliyin monitorinqini təmin edən “Amazon”un “Astro” kimi robotları ilə rəqabət apara bilər.

Bununla belə, elektrikli avtomobildə olduğu kimi, bu məhsulların buraxılana qədər sağ qalıb-qalmayacağı hələ məlum deyil. “Apple” istifadəçilərin bu ideyanı qiymətləndirməyəcəyindən narahatdır, görünür, bu, çox pula başa gələcək. Buna görə də, menecerlər hələ də layihənin inkişafını davam etdirməyə dəyər olub-olmaması ilə bağlı konsensusa gələ bilmirlər.