“Apple” USB-C ilə “AirPods Pro” qulaqlıqlarının xüsusi versiyasını buraxacaq.
Lent.az “9to5Mac” portalına istinadən xəbər verir ki, yeni simsiz qulaqlıqların USB-C konnektorlu korpusu olacaq. Onların hazırki versiyalarında “Lightning” portu ilə təchiz olunmuş korpuslar var.
Məlumata görə, “Apple” bu qulaqlıqları 2023-cü ilin ikinci və ya üçüncü rübündə təqdim edəcək.
Qeyd edək ki, Avropa bazarında istehlak elektronikası satan bütün şirkətlər 2024-cü ilin dekabrından qadcetlərini USB-C portu ilə təchiz etməli olacaqlar. Hələ 2022-ci ilin oktyabrında “Apple”ın marketinq üzrə vitse-prezidenti Greg Joswiak şirkətin gələcəkdə USB-C ilə iPhone buraxacağına söz vermişdi. Onun sözlərinə görə, bununla korporasiya Avropa İttifaqının tələbini yerinə yetirəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
